ក្លិបជើងឯកលីគកំពូលកម្ពុជា៣សម័យ បឹងកេតអែហ្វស៊ី នឹងសម្ភោធកីឡដ្ឋានថ្មីរបស់ខ្លួនដែលមានឈ្មោះថា ខេបូឌាអ៊ែរវ៉េ នាថ្ងៃនេះ ក្នុងជំនួបជើងទី២ពានរង្វាន់សម្តេចហ៊ុនសែន តទល់ក្រុមជម្រើសខេត្តសៀមរាប។
នេះជាការបើកឲ្យប្រើបណ្តោះអាសន្នប៉ុណ្ណោះ ខណៈដំណើរការសាងសង់អាចអូសបន្លាយដល់ចប់រដូវកាលនេះ។ ប្រភពពីក្លិបទម្លាយថា យ៉ាងណាក្តី បឹងកេត នឹងប្រើប្រាស់កីឡដ្ឋាននេះជាបណ្តើរៗ ទាំងក្នុងលីគផងដែរ។ កីឡដ្ឋាន ខេបូឌាអ៊ែរវ៉េ មានទីតាំងនៅតំបន់អភិវឌ្ឍបឹងស្នោ ក្នុងបរិវេណភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ ផ្លូវជាតិលេខ១ ច្រកចូលបត់តាម The Park Community Mall បន្ទាប់មកបទស្ដាំច្រកទី១ប្រហែល ៥០០ ម៉ែត្រ។
និយាយពីការប្រកួតវិញ បឹងកេត នឹងឡើង ៩៩.៩% ទៅហើយ ត្បិតត្រូវការត្រឹមស្មើ ឬចាញ់ក្រោម៦គ្រាប់ប៉ុណ្ណោះ ខណៈខេត្តសៀមរាបត្រូវការឈ្នះលើសពី៦គ្រាប់។ វាមិនមែនជារឿងងាយស្រួលក្នុងការឈ្នះលើស៦គ្រាប់សម្រាប់ក្រុមឡើងមកពីខេត្តមួយនេះឡើយ ព្រោះបឹងកេតជាក្រុមខ្លាំង ដែលជោគជាំដោយបទពិសោធទាំងថ្នាក់ជាតិនិងអន្តរជាតិ។
ចំពោះគូប្រកួតផ្សេងទៀត៖
https://www.facebook.com/officialhunsencup2007/photos/gm.2560385963980381/1070127853177069/?type=3&theater
