ក្រុម Crystal Palace បានទាមទារដល់១០០លានផោនឯណោះពីក្រុម Arsenal ទើបព្រមលក់ខ្សែប្រយុទ្ធ Wilfried Zaha ឱ្យនារដូវក្ដៅនេះ។Palace ទើបតែលក់ Aaron ឱ្យទៅក្រុមបិសាចក្រហម Manchester United ក្នុងតម្លៃ៥០លានផោន។ ដូច្នេះហើយពួកគេមិនចង់បញ្ចេញកីឡាករល្អណាទៀតនោះទេ។ ប្រសិនបើក្រុម Arsenal នៅតែទាមទារចង់បាន Zaha ដដែលនោះ ពួកគេនឹងត្រូវចំណាយខ្ពស់មិនខាន។ ក្រុម Crystal បានដាក់តម្លៃផ្ដាច់កុងត្រារបស់គេរហូតដល់ទៅ១០០លានផោនឯណោះ។ តម្លៃនេះ ល្មមគ្រប់គ្រាន់សម្រាប់ឱ្យក្រុមកាំភ្លើងធំថយក្រោយវិញទៅហើយ។ក្រុមរបស់លោក Emery មានការកំណត់ការចំណាយខ្លាំងសម្រាប់ទីផ្សារកីឡាករ មិនថារដូវកាលនេះឬរដូវកាលមុននោះទេ។ ដូច្នេះទើបបានជាក្រុមនេះពិបាកក្នុងការទិញដូរកីឡាករ មិនដូចក្លឹបដទៃទៀតនោះទេ៕
ប្រភព៖ DailyMail