ខ្សែប្រយុទ្ធ Lionel Messi មិនសប្បាយចិត្តចំពោះស្ថានភាពទីលានដែលក្រុមអាហ្សង់ទីន ប្រកួតកន្លងមកឡើយ ដោយអះអាងថាទីលាននោះពិបាកក្នុងការលេងណាស់។
ក្រោយពីអាហ្សង់ទីន បានឡើងទៅវគ្គ៨ក្រុមចុងក្រោយ បន្ទាប់ពីឈ្នះក្រុមកាតា ២-០មក Messi បាននិយាយចំពោះការប្រកួត៣ប្រកួតកន្លងមកថា៖ “គ្រប់ទីលានដែលយើងបានលេងកន្លងមកនេះ គឺអាក្រក់ណាស់។ បាល់លោតខ្លាំង ហើយអ្នកត្រូវការការគ្រប់គ្រងបន្ថែម ដើម្បីទប់វា។ វាពិបាកក្នុងការលេងរបៀបនេះ”។ មិនត្រឹមតែ Messi ទេ សូម្បីតែគ្រូបង្វឹកក្រុមនេះក៏ធ្លាប់និយាយពីបញ្ហាទីលានមិនល្អនេះដែរ។
នៅវគ្គ៨ក្រុមចុងក្រោយ អាហ្សង់ទីន នឹងត្រូវប៉ះក្រុមវេណេហ្ស៊ុយអេឡា នៅថ្ងៃសៅរ៍ ចុងសប្ដាហ៍នេះ។ ប្រេស៊ីល ប៉ះប៉ារ៉ាហ្គាយ ក្រុមកូឡុំប៊ី ប៉ះឈីលី និងក្រុមអ៊ុយរុយហ្គាយ ប៉ះក្រុមប៉េរូ៕ប្រភព៖ Marca