Louis van Gaal អតីតអ្នកចាត់ការក្រុម Barcelona និង Man Utd បានបញ្ជាក់ថា Lionel Messi ក៏ជាផ្នែកមួយដែលធ្វើឱ្យក្រុមអ្នកមានបុណ្យមិនអាចឈ្នះពានរង្វាន់ UEFA Champions League ដែរ។
ក្រុម Barcelona តែងតែបង្ហាញភាពខ្លាំងរបស់ខ្លួន តាំងពីវគ្គសន្សំពិន្ទុក្នុងពូល ប៉ុន្តែនៅពេលឡើងដល់វគ្គ៨ក្រុមឬពាក់កណ្ដាលផ្ដាច់ព្រ័ត្រវិញ ពួកគេតែងតែរបួតឱកាសជានិច្ច។ ជាក់ស្ដែងរដូវកាលមុន ឈ្នះក្រុម Liverpool ដល់៣-០ ទៅហើយ ប៉ុន្តែបែរជារបូត ៤-០ វិញនៅជើងទី២។
ចំពោះបញ្ហានេះ លោក Van Gaal បានយល់ឃើញថា៖ “ខ្ញុំមិនបានដឹកនាំក្រុមនេះ ខ្ញុំមិនអាចនិយាយអ្វីច្រើនទេ។ ខ្ញុំចូលចិត្ត Messi ព្រោះគាត់ជាកីឡាករល្អលើលោក។ ហេតុផលគាត់មិនឈ្នះ Champions League ? ខ្ញុំគិតថា Messi ក៏មានចំណែកដែលធ្វើឱ្យក្រុមបរាជ័យដែរ។ ពួកគេមានសមាជិក៣០នាក់ ហើយ Messi ក៏ត្រូវជួយសមាជិកក្រុមដទៃទៀត ទើបអាចសម្រេចបាន”៕ប្រភព៖ Dailymail