កម្ពុជា ជាមួយប្រទេស៩ទៀតនៅអាស៊ាន នឹងដេញថ្លៃធ្វើម្ចាស់ផ្ទះ World Cup 2034។ នេះបើតាមការបញ្ជាក់របស់លោក Prayut Chan-o-cha នាយករដ្ឋមន្ត្រីថៃ។
ក្នុងឱកាសកិច្ចប្រជុំកំពូលអាស៊ាននៅទីក្រុងបាងកក លោក Prayut បាននិយាយដូច្នេះថា៖ “ថ្នាក់ដឹកនាំប្រទេសនៅអាស៊ានទាំងអស់ បានគាំទ្រក្នុងការដាក់ដេញថ្លៃធ្វើជាម្ចាស់ផ្ទះ World Cup 2034 ប្រសិនបើអាច។ ខ្ញុំសូមឱ្យប្រជាជនក្នុងតំបន់អាស៊ានទាំងអស់បន្ដគាំទ្រចំពោះរឿងមួយនេះ ដើម្បីឱ្យសុបិនក្លាយជាការពិត”។
ក្នុងតំបន់អាស៊ានដែលមាន១០ប្រទេសនេះ សរុបប្រជាជន៦៤០លាននាក់ ហើយក៏អាចល្មមសម្រាប់ការធ្វើជាម្ចាស់ផ្ទះ World Cup ផងដែរ។ ប្រសិនបើធ្វើបានមែន នោះប្រទេសក្នុងតំបន់អាសានត្រូវជ្រើសរើសក្រុមកីឡាករល្អបំផុត១ក្រុម ដើម្បីលេងតំណាងតំបន់អាស៊ាននេះ មិនអាចយកប្រទេសទាំង១០ ដើម្បីចូលរួមប្រកួតបានឡើយ៕