លោក Valverde អ្នកចាត់ការក្រុម Barcelona មិនចង់បានខ្សែប្រយុទ្ធ Neymar មករួមក្រុមឡើយ បើទោះជាកីឡាករប្រេស៊ីលរូបនេះ បង្ហើបពីបំណងវិលត្រលប់មកវិញក៏ដោយ។
មួយរយៈមកនេះ Neymar បានប្រកាសចង់ត្រលប់មកលេងនៅអេស្ប៉ាញវិញ ក្រោយពីមានបញ្ហាជាមួយក្រុម PSG ជាពិសេសជាមួយម្ចាស់ក្លឹបលោក Nasser Al Khelaifi តែម្ដង។ ស្របពេលនៅក្លឹបអ្នកមានបុណ្យវិញ មានកីឡាករមួយចំនួនដូចជា Messi និង Suarez ជាដើមនោះ សុទ្ធតែចង់ឃើញការវិលត្រលប់របស់ខ្សែប្រយុទ្ធរូបនេះដូចគ្នា។
ផ្ទុយពីមតិកីឡាករ លោក Valverde ដែលជាអ្នកចាត់ការក្រុមបែរជាមិនចង់បាន Neymar ឡើយ។ លោកមិនទាន់បានបញ្ជូនភ្នាក់ងារណាម្នាក់ទៅចរចាដូចរឿងគេចុះផ្សាយកន្លងមកឡើយ។ អ្នកចាត់ការរូបនេះ ចង់បាន Griezmann មករួមក្រុមជាងចង់បាន Neymar ។ កត្តាមិនចុះសម្រុងគ្នារឿងកីឡាករថ្មីនេះហើយ ទើបក្រុមអ្នកមានបុណ្យមិនទាន់អាចចុះកុងត្រាកីឡាករណាម្នាក់ឡើយក្នុងចំណោមកីឡាករទាំងពីរខាងលើនេះ៕ប្រភព៖ Dailymail
