ក្រុម Real Madrid បានប្រកាសកាលពីយប់មិញនេះថាពួកគេទិញបានខ្សែប្រយុទ្ធ Takefusa Kubo ឬ Messi ជប៉ុនហើយ ពីក្រុម FC Tokyo ក្នុងតម្លៃខ្លួនជាង២លានដុល្លារ កុងត្រា៦ឆ្នាំ។
កីឡាករវ័យ១៨ឆ្នាំនេះ នឹងត្រូវចូលលេងនៅឈុត Castilla របស់ក្រុម Real Madrid ចាប់ពីរដូវកាលក្រោយទៅ។ បើតាមប្រភពនៅអេស្ប៉ាញបានបញ្ជាក់ទៀតថា យុវជនឆ្នើមរបស់ជប៉ុននេះ នឹងទទួលបានប្រាក់ពលកម្មដល់១លានដុល្លារឯណោះក្នុង១ឆ្នាំក្នុងការលេងឱ្យក្រុមអធិរាជសនេះ។
Kubo ក៏ធ្លាប់មកហ្វឹកហាត់នៅអេស្ប៉ាញម្ដងដែរ ដោយគ្រានោះរូបគេហាត់នៅក្លឹប Barcelona ។ ដោយសារតែ Barcelona មិនចុះកុងត្រាទើបរូបគេបានត្រលប់ទៅលេងនៅក្លឹបដើម FC Tokyo វិញ មុនពេលក្រុម Real Madrid ទិញយកនេះ។ ខ្សែប្រយុទ្ធរូបនេះ ក៏ជាប់ជម្រើសជាតិឈុតធំជប៉ុនហើយដែរ នៅឆ្នាំ២០១៩នេះ ដោយបង្ហាញខ្លួនបាន១ប្រកួត៕ប្រភព៖ Sport24
