កីឡាករកម្ពុជា ច្រឹង ពលរដ្ឋ បានប្រកាសនៅលើបណ្ដាញសង្គមនៅមុននេះបន្តិចថា រូបគេនឹងក្លឹប Buriram United ចែកផ្លូវគ្នាជាផ្លូវការហើយ ដោយសារតែបញ្ហារបួសរបស់ខ្លួន។
កីឡាកររបស់ក្រុមក្រសួងការពារជាតិបានសរសេរដូច្នេះថា៖ ញុំបាទ និងក្លឹបបាល់ទាត់ BURIRAM UNITED បានឈានទៅដល់ការចែកផ្លូវគ្នាហើយ ដោយសារតែបញ្ហាពេលនោះរបួសខ្ញុំនៅមិនទាន់ជាសះស្បើយ ស្របពេលដែលក្លឹប Buriram គេចាប់ផ្ដើមប្រមូលផ្តុំ និងចាប់ផ្តើមលីគប្រទេសថៃ ។ ក្នុងពេលបច្ចុប្បន្នក៏មានក្លឹបមួយចំនួននៅក្រៅប្រទេសក៏បានទាក់ទងក្នុងការយកខ្ញុំទៅចូលរួម ប៉ុន្តែខ្ញុំនឹងជម្រាបជូននៅពេលព័ត៌មានច្បាស់ការ។
ពលរដ្ឋ ជាយុវជនឆ្នើមបំផុតម្នាក់របស់កម្ពុជា ប៉ុន្តែដោយសារតែបញ្ហារបួសរបស់ខ្លួន បានធ្វើឱ្យខ្សែបម្រើរូបនេះខកខានឱកាសជាច្រើនទាំងនៅជម្រើសជាតិ និងក្លឹបអាជីព។ យ៉ាងណាមិញ បច្ចុប្បន្នរូបគេបានចូលលេងវិញធម្មតាហើយ ខណៈដែលក្លឹបនៅក្រៅប្រទេសក៏តែមើលឃើញសមត្ថភាពគេដែរ៕