Eden Hazard បានបង្ហាញខ្លួននៅមុខអ្នកគាំទ្រ ៥០ ០០០ នាក់នាព្រឹកថ្ងៃព្រហស្បតិ៍នេះ បន្ទាប់ពីព្រមព្រៀងការផ្លាស់មកចូលរួមនៅទឹកដី Bernabeu ក្នុងតម្លៃខ្លួន ១៣០ លានផោន។ មានប្រិយមិត្តខ្លះបានចោទសួរ ជុំវិញទំហំតម្លៃពលកម្មដែល Hazard ទទួលបាននៅក្លឹបថ្មីមួយនេះ។
យោងតាម Evening Standard បានឲ្យដឹងថាកីឡាករបែលហ្សិកស៊ីថ្លៃ ៤០០ ០០០ ផោន/សប្តាហ៍ ដោយមួយឆ្នាំរូបគេអាចរកបាន ១៩,២ លានផោនឬចែកជាថ្ងៃស្មើនឹង ៥៧ ០០០ ផោន។ តួលេខនេះជាថ្លៃពលកម្មខ្ពស់ដាច់គេនៅ Real Madrid ឈរហួស Gareth Bale កើបបានត្រឹម ៣៥០ ០០០ ផោនតែប៉ុណ្ណោះ។
រីឯ Luka Jovic ដែលបានចុះកុងត្រារយៈពេល ៦ ឆ្នាំ ទទួលបានត្រឹម ១៧០ ០០០ ផោន/សប្តាហ៍ ស្របពេល Ferland Mendy ដែលជាខ្សែការពារឆ្នើមរបស់បារាំងត្រៀមបង្ហាញខ្លួន យើងនឹងអុតមើលនៅពេលខាងមុខទាំងអស់គ្នា។ ប្រភព៖ SportBible
