ខ្សែប្រយុទ្ធ Cristiano Ronaldo ចង់បានលោក Carlos Ancelotti មកដឹកនាំក្រុម Juventus នារដូវកាលក្រោយ បន្ទាប់ពីលោក Allegri ចាកចេញពីក្រុម។លោក Allegri ត្រូវបានក្លឹប Juventus ប្រកាសចាកចេញពីតំណែងកាលពីថ្ងៃសុក្រកន្លងទៅ ក្រោយពីលោកដឹកនាំក្រុមឈ្នះ Serie A យ៉ាងស្រួល ប៉ុន្តែមិនអាចសម្រេចក្ដីស្រមៃរបស់ក្លឹបនេះយកពានរង្វាន់ UEFA Champions League បាន។ ដោយសារតែមិនទាន់មានការប្រកាសតែងតាំងអ្នកចាត់ការថ្មី មានដំណឹងជាច្រើនបានលេចឮចំពោះវត្តមានរបស់គ្រូថ្មីក្រុមសេះបង្កង់។ អ្នកខ្លះថា Conte នឹងត្រលប់មកដឹកនាំក្រុមវិញ ស្របពេលអ្នកខ្លះទៀតគិតថាគ្រូបង្វឹកPochettino របស់ក្រុម Spurs បច្ចុប្បន្នអីជាដើម។
ដោយឡែកសម្រាប់ Ronaldo វិញ លោកចង់ឃើញ Carlos Ancelotti មកដឹកនាំក្រុមនេះវិញ។ អ្នកទាំងពីរនេះ ធ្លាប់ធ្វើការជាមួយគ្នាម្ដងមកហើយ កាលនៅ Real Madrid អំឡុងឆ្នាំ២០១៣ដល់២០១៥ គ្រាដែលពេលនោះ Ancelotti ក៏ជួយក្រុម Real ឈ្នះពាន Champions League បានផងដែរ។ បច្ចុប្បន្នលោកកំពុងដឹកនាំក្រុម Napoli ដែលឈរនៅលេខ២ក្នុងតារាង Serie A ៕
ប្រភព: DailyMail
មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET