ប្រធានក្រុមនៃក្លឹបបិសាចក្រហមគឺកីឡាករ Antonio Valencia បានបង្ហោះសារចែកផ្លូវជាមួយក្លឹបលើបណ្តាញសង្គម Instagram កាលពីពេលថ្មីៗនេះ ដែលបង្កការភ្ញាក់ផ្អើលជាខ្លាំងដល់អ្នកគាំទ្រ ព្រោះបុរសវ័យ ៣៣ ឆ្នាំបានចាយពេលច្រើនរដូវកាលរួចមកហើយនៅ Old Trafford។
ក្រោមការដឹកនាំរបស់លោក Ole Gunnar Solskjaer ខ្សែការពារ Valencia អាចបង្ហាញខ្លួនត្រឹមមួយប្រកួតគត់ បន្ទាប់ពីមានបញ្ហារបួសរ៉ាំរ៉ៃនិងមិនអាចជំនួសគុណភាពលេងរបស់កីឡាករជើងក្រោយ។
ត្បិតអីនេះពុំមែនជាដំណឹងភ្ញាក់ផ្អើលខ្លាំងនោះទេសម្រាប់អ្នកចាត់ការថ្មីរបស់បិសាច ព្រោះកន្លងមកលោកក៏ធ្លាប់លួចបង្ហើបប្រាប់រួចមកហើយដែរ ថាក្លឹប Antonio នឹងពុំមានផ្តល់សំណើបន្តកុងត្រាថ្មីណាមួយទៀតឡើយ បន្ទាប់ពីត្រូវបញ្ចប់កុងត្រានាបិទរដូវកាល ២០១៨/១៩ នេះ។
ពុំមានការរ៉ាយរ៉ាប់ច្រើន លើគណនីផ្លូវការ Valencia ត្រឹមបង្ហោះរូបភាពមួយសន្លឹកនៃកីឡដ្ឋាន Old Trafford ដោយប្រើប្រាស់ Caption ថា ‘Thank You’។ រំឭកថាលោក Sir Alex បានចុះហត្ថលេខាយក Valencia ចេញពី Wigan កាលពីឆ្នាំ ២០០៩ ក្នុងតម្លៃខ្លួន ១៦ លានផោន។ ប្រភព: Metro
មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET