លោក Akihiro Kato ប្រធានក្លិបអង្គរថៃហ្គឺបានប្រមូលថវិការពីកីឡាករជប៉ុននិងមហាជនបានចំនួន៤០០០ដុល្លារដើម្បីទៅជួយគ្រួសារមួយដែលមានស្វាមីជាអ្នករត់តាក់ស៊ីត្រូវជនជាតិជប៉ុន២នាក់ធ្វើសកម្មភាពប្លន់។
លោកបានសរសេរលើបណ្តាញសង្គមសោកស្តាយចំពោះទង្វើរបស់ជនជាតិជប៉ុន។ដំបូងឡើយជាទឹកចិត្តលោកបានបរិច្ចាគថវិការផ្ទាល់ខ្លួន១ពាន់ដុល្លារនិងបន្តអង្គាសរហូតបាន៤ពាន់ដុល្លារដោយបានប្រគល់ជូនគ្រួសារជនរងគ្រោះរួចរាល់។
នេះមិនមែនលើកដំបូងឡើយ សម្រាប់លោក Akihiro Kato ដោយកន្លងមកប្រធានក្លិបនៅខេត្តសៀមរាបរូបនេះបានធ្វើសកម្មភាពសប្បុរសធម៌ជាច្រើននៅកម្ពុជា។
