ក្រុមបិសាចក្រហម Manchester United ត្រៀមកញ្ចប់ទឹកប្រាក់៧០លានផោន ដើម្បីទិញយកខ្សែបម្រើ Sancho ពីក្រុម Dortmund នៅរដូវក្ដៅខាងមុខនេះ។
Sancho ត្រឹមវ័យ១៨ឆ្នាំប៉ុន្តែទទួលបានការគាំទ្រច្រើនមែនទែន ជាពិសេសក្រុមនៅអង់គ្លេសតែម្ដង ក្រោយពីគេត្រូវបានកោះហៅចូលជម្រើសជាតិ។ អតីតកីឡាករ Man City រូបនេះកំពុងប្រកបអាជីពនៅក្លឹប Dortmund ប្រទេសអាល្លឺម៉ង់ ហើយក៏កំពុងជួយក្រុមឈរនៅកំពូលតារាងក្នុងលីគផងដែរ។
ក្រុមត្រូវបានគេដឹងថាចង់បានខ្សែបម្រើខាងលើជាងគេនោះគឺបិសាចក្រហម Manchester United ។ ប្រភពនៅអង់គ្លេសបានបញ្ជាក់ថាក្រុមរបស់លោក Ole កំពុងត្រៀមប្រាក់ដល់៧០លានផោនឯណោះក្នុងការយកកីឡាករខាងលើនេះ។ ប្រភពបានបញ្ជាក់ទៀតថា ប្រសិនបើក្រុម Dortmund លក់មែន នោះក្រុម Man City នឹងទទួលបានប្រាក់ប្រាក់ប្រមាណ១៥%នៃតម្លៃនោះ៕ប្រភព៖ Dailymail