• Kane ​នឹង​អវត្តមាន​២​ខែ ​ពី​ទីលាន​ដោយសារ​របួស

    ខ្សែ​ប្រយុទ្ធ Harry Kane ​របស់​ក្រុម Spurs ​នឹង​ត្រូវ​អវត្តមាន​យ៉ាង​តិច​២​ខែ ឬ​១១​ប្រកួត ​ដោយសារ​តែ​របួស​កែង​ជើង​របស់​ខ្លួន​កើត​ឡើង​ក្នុង​ការ​ប្រកួត​ទល់​ក្រុម Manchester United ​កន្លង​ទៅ។

    ក្រុម Spurs ​បាន​ប្រកាស​ដំណឹង​អាក្រក់​នេះ​ដោយ​ខ្លួន​ឯង ខណៈ​ដែល​ពួកគេ​ក៏​ទើប​ទទួល​បាន​លទ្ធផល​ពិនិត្យ​ពី​ខាង​ក្រុម​គ្រូ​ពេទ្យ​ដែរ។ ការ​អវត្តមាន​កីឡាករ​សំខាន់​នេះ​ដែរ ​ក្រុម​របស់​លោក Mauricio Pochettino ​នឹង​ត្រូវ​ប្រឹងប្រែង​ខ្លាំង​មែនទែន ​ដើម្បី​រក្សា​ខ្លួន​ឱ្យ​ជាប់​នៅ​តំបន់ Top4 ​ត្បិត​អី​ការ​ប្រជែង​ពាន​រង្វាន់​ហាក់​ដូចជា​មិន​អាច​ធ្វើ​បាន​ឡើយ។ អ្វី​ដែល​កាន់​តែ​កង្វល់​ថែម​ទៀត​នោះ Son ​ដែល​ជា​កីឡាករ​ត្រូវ​ជំនួស​កន្លែង​របស់ Kane ​ក៏​អវត្តមាន​ពី​ក្រុម​ផង​ដែរ ​ដោយ​រូបគេ​ត្រូវ​បំពេញ​ភារកិច្ច​ឱ្យ​ជម្រើស​ជាតិ​កូរ៉េ​ខាង​ត្បូង​នៅ​ពា​នរង្វាន់ Asian Cup 2019 ​។

    សូម​បញ្ជាក់​ថា​១១​ប្រកួត​ដែល Kane ​ត្រូវ​អវត្តមាន​នោះ ក៏​មាន​ការ​ប្រកួត​វគ្ក​១៦​ក្រុម​ចុង​ក្រោយ​ពាន​រង្វាន់ UEFA Champions League ​ដែរ ​ដែល​ពួកគេ​ត្រូវ​ប៉ះ​ជាមួយ​ក្រុម Dortmund ​៕ប្រភពDailyMail

     

    ភ្ជាប់ទំនាក់ទំនងជាមួយ CTS SPORT