Xabi Alonso នឹងចូលរួមជាមួយក្រុម Real Madrids ជាថ្មី ក្នុងនាមជាគ្រូបង្វឹកថ្នាលយុវជនរបស់ក្រុម Real Madrid ក្រោយពីរៀនចប់វគ្គសិក្សាគ្រូបង្វឹករបស់ UEFA ។
អតីតកីឡាករ Liverpool រូបនេះ នឹងដើរតាមគន្លងរបស់ Guti និង Solari ត្រលប់មកចូលរួមជាមួយក្រុមអធិរាជសវិញ ក្នុងនាមជាថ្នាក់ដឹកនាំក្រុមថ្នាលយុវជន។ ដោយបច្ចុប្បន្ននេះ រូបគេនិង Raul កំពុងរៀនថ្នាក់គ្រូបង្វឹកជាមួយ UEFA ហើយក្នុងថ្នាក់នេះក៏មានវត្តមានរបស់ Xavi Hernandez និង Victor Valdes ផងដែរ។ វគ្គនេះដែរ នឹងបញ្ចប់នៅថ្ងៃសុក្រនេះហើយ ដូច្នេះក្រោយពីរៀនចប់ អតីតកីឡាករទាំងអស់ អាចរកក្លឹបដើម្បីដឹកនាំបានហើយ។
Alonso លេងឱ្យ Real Madrid ពីឆ្នាំ២០០៩ដល់២០១៤។ អតីតកីឡាករជម្រើសជាតិអេស្ប៉ាញរូបនេះ បង្ហាញខ្លួនបាន១៥៨ប្រកួត និងជួយក្រុមឈ្នះពាន UEFA Champions League ម្ដង La Liga ១ដង Spainish Super Cup ១ដងនិង Copa del Rey ១ដង។ នៅលើឆាកអន្តរជាតិ អតីតខ្សែបម្រើរូបនេះបាន ជួយឱ្យអេស្ប៉ាញលើកពាន World Cup នៅឆ្នាំ២០១០ថែមទៀត៕ប្រភព៖ MARCA
