Virgil van Dijk បាននិយាយថាក្លឹបដែលជាគូប្រជែងរបស់ Liverpool នៅអង់គ្លេស កំពុងតែសប្បាយចិត្តពេលឃើញក្រុមនេះចាញ់ ប៉ុន្តែតាមពិតទៅក្នុងចិត្តពួកគេកំពុងតែច្រណែនទៅវិញទេ។
អ្នកគាំទ្រក្លឹបដទៃនៅអង់គ្លេស បានបញ្ចេញកាយវិការសប្បាយចិត្តពេលឃើញក្រុម Liverpool បរាជ័យនៅ UEFA Champions League វគ្គផ្ដាច់ព្រ័ត្រ ក្រោមថ្វីជើង Real Madrid ។ មានអ្នកខ្លះ បានបង្ហោះនៅលើបណ្ដាញសង្គម រិះគន់ចំពោះកំហុសរបស់អ្នកចាំទី Liverpool ហើយខ្លះទៀតក៏បានសើចចំអកចំពោះក្រុមអង់គ្លេសមួយនេះថាលេងមិនកើត ពេលគ្មាន Salah ។
ជាក់ស្ដែងទៅ ចំពោះគំនិតរបស់ខ្សែការពារ Virgil van Dijk វិញ មិនគិតដូចក្រុមទាំងនោះទេ។ រូបគេគិតថាការសើចចំអក និងការសប្បាយចិត្តរបស់គូប្រជែងនៅលីគជាមួយគ្នានេះ គឺដោយសារតែពួកគេកំពុងច្រណែនជាមួយក្រុម Liverpool ដែលអាចឡើងដល់វគ្គផ្ដាច់ព្រ័ត្រ។ ត្បិតតែចាញ់ពិតមែន ប៉ុន្តែនេះជាក្រុមអង់គ្លេសដំបូងគេប៉ុន្មានឆ្នាំចុងក្រោយនេះ ដែលអាចឡើងដល់វគ្គផ្ដាច់ព្រ័ត្របាន៕