• Liverpool ​ទិញ​កីឡាករ​ថ្មី​ម្នាក់​ហើយ ​ក្រោយ​ចាញ់​នៅ UCL ​

    ក្លឹប Liverpool ​បាន​ចុះ​កុងត្រា​យក​កីឡាករ Fabinho ​ពី​ក្រុម Monaco ​ហើយ​ក្នុង​តម្លៃ​ខ្លួន​៤៤​លាន​ផោន ដើម្បី​យក​មក​ពង្រឹង​តំបន់​បម្រើ​ការពារ​របស់​ខ្លួន។

    ការ​ទិញ​កីឡាករ​ប្រេស៊ីល​រូប​នេះ ត្រូវ​បាន​គេ​ដឹង​ថា​នឹង​មក​ជំនួស​កន្លែង​របស់​កីឡាករ Emre Can ​ដែល​អាច​នឹង​ចាកចេញ​នៅ​រដូវ​ក្ដៅ​ខាង​មុខ​នេះ។ នេះ​ជា​កីឡាករ​ដំបូង​របស់​ក្រុម​ហង្ស​ក្រហម​ទិញ​ចូល ខណៈ​ដែល​ក្លឹប​ខ្លាំង​របស់​អង់គ្លេស​មួយ​នេះ ត្រៀម​ចំណាយ​១៥០​លាន​ផោន​ឯ​ណោះ ដើម្បី​ទិញ​កីឡាករ​ល្អ​ៗ ប្រជែង​យក​ពាន​រង្វាន់​នានា​នៅ​រដូវ​កាល​ក្រោយ។

    បើ​តាម​គោលដៅ​របស់​លោក Klopp ​នឹង​ត្រៀម​ទិញ​កីឡាករ​២​នាក់​បន្ថែម​ទៀត​ក្នុង​ពេល​ឆាប់​ៗ​នេះ គឺ​Nabil Fekir ​របស់​ក្រុម Lyon  ​តម្លៃ​៦០​លាន​ផោន ​និង​អ្នក​ចាំ​ទី Alisson Becker របស់​ក្រុម Roma ​។ ការ​ហាន​ចំណាយ​ច្រើន​នេះ គឺ​ដោយសារ​តែ​ការ​ឡើង​ដល់​វគ្គ​ផ្ដាច់ព្រ័ត្រ UCL ​របស់​ហង្ស​ក្រហម ​ធ្វើ​ឱ្យ​ពួកគេ​ទទួល​បាន​ប្រាក់​រង្វាន់​៦៨​លាន​ផោន៕ប្រភព៖ DailyMail

     

    ភ្ជាប់ទំនាក់ទំនងជាមួយ CTS SPORT