ក្រុម Spurs បានឡើងទៅវគ្គ១៦ក្រុមចុងក្រោយហើយ បន្ទាប់ពីលេងបានស្មើក្រុម Barcelona ១-១ និង Inter Milan មិនអាចយកឈ្នះក្រុម PSV បាន។
លទ្ធផលបានឡើងវគ្ក១៦ក្រុម UEFA Champions League នេះដែរ បានធ្វើឱ្យលោក Mauricio Pochettino រំភើបចិត្តជាខ្លាំង ហើយគិតថាគ្មាននរណាអាចគិតថាក្រុមមាន់ខ្នាយមាសមួយនេះ អាចឡើងទៅវគ្គបានឡើយ។ អ្នកចាត់ការរូបនេះបានបន្ថែមទៀតថា៖ “ក្នុងពូលនេះ គ្មាននរណាគិតថាយើងអាចឡើងទៅវគ្គបន្ដបានឡើយ វាជាបេសកកម្មមួយដែលមិនអាចទៅរួច។ ប៉ុន្តែក្នុងបាល់ទាត់ គ្មានអ្វីដែលមិនអាចកើតឡើងបានឡើយ”។
នៅលីគអង់គ្លេសឆ្នាំនេះ ក្រុមទាំង៤ដែលមកលេងនៅវគ្គសន្សំពិន្ទុ Champions League គឺបានឡើងទាំងអស់ហើយ ពោលគឺ Man City , Man Utd , Spurs និង Liverpool សុទ្ធតែកក់កៅអីវគ្គ១៦ក្រុមទាំងអស់៕ប្រភពDailyMail
