ក្រុម Liverpool បានឡើងទៅវគ្គបន្ដហើយ ក្រោយពីយកឈ្នះក្រុម Napoli ក្នុងលទ្ធផល ១-០ នាការប្រកួតចុងក្រោយក្នុងពូល ពានរង្វាន់ UEFA Champions League ។
១គ្រាប់សំខាន់បំផុតខាងលើនេះដែរ ធ្វើបានសម្រេចដោយ Salah នៅនាទី៣៤នាវគ្គទី១។ ខណៈដែលក្រុម Napoli វិញ ក្រោយពីត្រូវគេនាំមុខហើយ ក៏ព្យាយាមស្វែងរកគ្រាប់បាល់មកវិញ ប៉ុន្តែឱកាសទាំងប៉ុន្មាន មិនអាចធ្វើបានទេ។ ក្រុមរបស់លោក Carlo Ancelotti មានឱកាសមាសមួយនៅចុងម៉ោងទៅហើយ ប៉ុន្តែត្រូវ Alisson ជួយសង្គ្រោះបានទៀត។ ទើបចប់ការប្រកួត Napoli ត្រូវធ្លាក់ត្រឹមវគ្គសន្សំពិន្ទុនេះហើយ។
នៅលីគអង់គ្លេសឆ្នាំនេះ ក្រុមទាំង៤ដែលមកលេងនៅវគ្គសន្សំពិន្ទុ Champions League គឺបានឡើងទាំងអស់ហើយ ពោលគឺ Man City , Man Utd , Spurs និង Liverpool សុទ្ធតែកក់កៅអីវគ្គ១៦ក្រុមទាំងអស់៕ប្រភពDailyMail