តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមកម្ពុជាថ្ងៃនេះ។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
កម្ពុជាថ្ងៃនេះ ជាក្រុមស្ថិតនៅឯខេត្តព្រះសីហនុ ចាប់ផ្តើមបង្កើតឡើងបានជាង ១ ឆ្នាំ មានទាំងសមាជិកវ័យក្មេងចាស់សរុប ៤០ នាក់ ហើយត្រូវបានតំណាងក្រុមលោក ដែន អយុធ្យា បានលើកឡើង៖
យើងបង្កើតក្រុមកីឡាបាល់ទាត់នេះឡេីង ក៏ដេីម្បីចង់ធ្វេីជាគំរូដល់យុវជនជំនាន់ក្រោយ ឲ្យមានស្មារតីស្រលាញ់ចូលចិត្តកីឡាបាល់ទាត់ ក្នុងគោលបំណងកាត់បន្ថយការដេីរលេងអត់ប្រយោជន៍ បង្កហឹង្សាក្នុងសង្គម បន្ថែមពីលើនេះ ក៏មានគោលបំណងរំឭកដល់អនស្សារីយ៍ រវាងក្រុមកីឡាករចាស់ៗ រស់នៅក្នុងខេត្តព្រះសីហនុ និងបង្កើតថ្នាលកីឡាករវ័យក្មេងក្នុងខេត្តនេះ ដើម្បីបន្តវេន សម្រាប់ប្រកួតប្រជែង លើវិស័យកីឡាបាល់ទាត់ ក្នុងខេត្ត ក៏ដូចជាសម្រាប់ទទួលភ្ញៀវទេសចរជាតិ-អន្តរជាតិ ជាពិសេសត្រៀមចូលរួមប្រកួតដណ្តើមពានរង្វាន់ផ្សេងៗ។
ក្នុងនាមថ្នាក់ដឹកនាំក្រុមកីឡាករ បាល់ទាត់ “កម្ពុជាថ្ងៃនេះ” សូមអំពាវនាវដល់ក្រុមយុវជន ត្រូវខិតខំរៀនសូត្រ និងមានសីលធម៌រស់នៅឲ្យបានល្អក្នុងសង្គម។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
សូមថ្លែងអំណរគុណដល់លោក-លោកស្រី ជាប្រធានក្រុមហ៊ុន 2MBET ដែលបានឧបត្ថម្ភអាវចំនួន ២០ឈុត ជូនដល់ក្រុមកីឡាកររបស់យើងខ្ញុំ សូមជូនពរឲ្យមានសុខភាពល្អ ជាពិសេសសូមជោគជ័យ លើការងារវិនិយោគ របស់ខ្លួនដ៏ត្រចេះត្រង់ជារៀងរហូតទៅ៕
