តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុម Kung Fu United។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
ក្រុម Kung Fu United ស្ថិតនៅរាជធានីភ្នំពេញ ចាប់ផ្តើមបង្កើតឡើងបាន ៥ ឆ្នាំ និងមានសមាជិកសរុប ១៥ នាក់ ហើយត្រូវបានតំណាងក្រុមយុវជន សោម បញ្ញា បានលើកឡើង៖
គោលបំណងនៃការបង្កើតក្រុមនេះឡើងគឺពួកយើងមានគោលដៅរួមគ្នាតែមួយ គឺចង់ឲ្យយុវជនទាំងអស់ងាកមកលេងកីឡា ដើម្បីទទួលបានសុខភាពល្អ បង្កើនចំណងមិត្តភាព សាមគ្គីភាព ហើយគោលដៅធំរបស់ក្រុមពួកយើងគឺ ចង់អភិវឌ្ឍខ្លួនចូលរួមប្រកួតក្នុងពានរង្វាន់ណាមួយនាថ្ងៃខាងមុខ។
ទន្ទឹមនេះដែរ ខ្ញុំសូមសំណូមពរឲ្យយុវជនទាំងអស់គ្នា ឆ្លៀតពេលទំនេរពីការសិក្សា ក៏ដូចជាការងារ មកចូលរួមលេងកីឡាដើម្បីជៀសឆ្ងាយពីអំពើអបាយមុខផ្សេងៗ ហើយកីឡានេះទៀតសោតក៏នាំមកនូវ សុខភាព វិន័យ និងសេចក្តីថ្លៃថ្នូរ។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
ជាចុងក្រោយខ្ញុំសូមថ្លែងអំណរគុណយ៉ាងជ្រាលជ្រៅដល់ក្រុមហ៊ុន 2MBET ដែលបានឧបត្ថម្ភឯកសណ្ឋានកីឡាយ៉ាងស្រស់ស្អាត ដល់ក្រុមយើងខ្ញុំ និងសូមជូនពរឲ្យក្រុមហ៊ុន ទទួលបានការគាំទ្រពីសំណាក់អតិថិជនកាន់តែច្រើនឡើងបន្ថែមទៀត៕