កីឡាករវ័យ ២៧ ឆ្នាំរូបនេះបានចូលរួមជាមួយ United ក្នុងលក្ខខ័ណ្ឌខ្ចីជើងជាមួយនឹងជម្រើសក្នុងការទិញផ្តាច់នៅរដូវក្តៅក្រោយ បន្ទាប់ពីការស្វែងរក ច្រកចេញពីក្លឹប ដោយក្រុមរបស់ Erik ten Hag បានផ្តល់ជូនថ្លៃខ្ចីជើងចំនួន ២ លានអឺរ៉ូនៅក្នុងការចរចារដំបូង។
ភាគីទាំងពីរនៅទីបំផុតបានយល់ព្រមលើតម្លៃខ្ចីជើងចំនួន ៨ លានផោន ដោយ United មានកាតព្វកិច្ចទិញកីឡាករអន្តរជាតិម៉ារ៉ុកក្នុងតម្លៃ ២១ លានផោននៅរដូវក្តៅក្រោយ។
ប៉ុន្តែបិសាចក្រហមបានរកឃើញរបួសខ្នងបន្តិចបន្តួចអំឡុងពេលតេស្តសុខភាពរបស់ Amrabat។ ខណៈដែលបញ្ហានេះមិនត្រូវបានគេជឿថាធ្ងន់ធ្ងរនោះទេ ហើយការចុះហត្ថលេខាត្រូវបានបញ្ចប់ កីឡាករវ័យ ២៧ ឆ្នាំឥឡូវនេះត្រូវបានដកខ្លួនចេញពីក្រុមជម្រើសជាតិ។
ដំបូងឡើយ គាត់ត្រូវបានកោះហៅសម្រាប់ការប្រកួតនាពេលខាងមុខទល់នឹងលីបេរីយ៉ា និងបួគីណាហ្វាសូ ប៉ុន្តែនឹងមិនលេងក្នុងការប្រកួតទាំងពីរ នោះទេ ហើយត្រូវបានជំនួសដោយកីឡាករផ្សេងវិញ៕
*[Sportbible]
