France Football កំពុងពិចារណាផ្តល់រង្វាន់ Ballon d’Or 2020 ដល់ Robert Lewandowski

Robert Lewandowski ទីបំផុតអាចទទួលបានពានរង្វាន់ Ballon d’Or ដែលមនុស្សជាច្រើនយល់ថាគាត់សមនឹងឈ្នះបំផុតនៅឆ្នាំ ២០២០។កីឡាករជម្រើសជាតិប៉ូឡូញពិតជាសាកសមក្នុងការដណ្តើមយកការបោះឆ្នោតឆ្នាំ ២០២០ ប៉ុន្តែក្រោយមក ពានរង្វាន់នេះត្រូវបានលុបចោល ដោយសារជំងឺរាតត្បាតកូវីដ-១៩។ Lewandowski ស្ថិតក្នុងកម្រិតកំពូលដ៏អស្ចារ្យរបស់គាត់ដែលបានរួមចំណែកជួយ Bayern Munich ឈ្នះពាន Treble រួមទាំងការទទួលជ័យជម្នះនៅក្របខ័ណ្ឌ Champions League លើក្រុម Paris Saint-Germain ទៀតផង។

គាត់បានស៊ុតបញ្ចូលទីបាន ៥៦គ្រាប់ក្នុង ៤៧ប្រកួតនៅគ្រប់ការប្រកួតទាំងអស់ ហើយត្រូវបានគ្រប់គ្នាទទួលស្គាល់យ៉ាងទូលំទូលាយថាពិតសាកសមក្នុងការឈ្នះពានរង្វាន់ Ballon D’or ២០២០។

លោក Ivan San Antonio របស់ Diario Sport រាយការណ៍ថា France Football កំពុងពិចារណាផ្តល់ Ballon D’or បន្ទាប់ពីការពន្យារពេលអស់រយៈពេល ៤ ឆ្នាំ។ ទោះបីជាពេលនេះមិនមានអ្វីជាផ្លូវការក៏ដោយ ប៉ុន្តែ Lewandowski នឹងមិនប្រកាន់ទេ ខណៈដែលគាត់ត្រូវបានគេដកស្រង់សម្តីគាត់ថា ៖

“ប្រសិនបើខ្ញុំឈ្នះ Ballon d’Or បួនឆ្នាំក្រោយ ខ្ញុំមិនមានអារម្មណ៍អាក់អន់ចិត្តទេ វាជាកិត្តិយសដ៏អស្ចារ្យ ហើយខ្ញុំនឹងទទួលយក ពានរង្វាន់នោះ” ។

ពានល្អបំផុតដែល Lewandowski ទទួលបានគឺពានរង្វាន់ Lego និងពានរង្វាន់ខ្សែប្រយុទ្ធល្អបំផុតនៅក្នុងពានរង្វាន់ឆ្នាំ២០២១ ដែលត្រូវបានលុបចោលភ្លាមៗបន្ទាប់ពីនោះ។ គាត់ឈរឈ្មោះបន្ដទៀតសម្រាប់ពានរង្វាន់មួយនេះនៅឆ្នាំ២០២១ ប៉ុន្តែត្រូវបានជ្រើសរើសដោយម្ចាស់ពានរង្វាន់ Ballon d’Or ជា Lionel Messi ។

ប្រភព បរទេស

 

ភ្ជាប់ទំនាក់ទំនងជាមួយ CTS SPORT