តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុម Brother Hood។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
Brother Hood ជាក្រុមមានមូលដ្ឋានស្ថិតនៅរាជធានីភ្នំពេញ បង្កើតឡើងបានជាងកន្លះឆ្នាំ និងមានសមាជិក ២៥ នាក់។ តំណាងក្រុម លោក ម៉ៃ យូឡុង បានលើកឡើងយ៉ាងដូច្នោះថា៖
ខ្ញុំចង់ផ្ញើសារដល់បងប្អូន ជាពិសេសយុវជន សូមចូលរួមលេងកីឡាបាល់ទាត់ទាំងអស់គ្នា បន្ទាប់ទំនេរពីការសិក្សា និងការងារ ដើម្បីសុខភាព មិត្តភាព និង ជៀសឆ្ងាយពីគ្រឿងញៀន ដោយឡែកចំពោះឆន្ទៈទៅមុខ ក្រុមរបស់យើងតាំងចិត្តថា នឹងព្យាយាមចូលរួមក្នុងវិស័យកីឡាបាល់ទាត់ក្នុងមូលដ្ឋានឲ្យបានច្រើន និងអភិវឌ្ឍឲ្យយុវជនចេះលេងបាល់ទាត់ឲ្យបានច្រើន ដើម្បីជាចំណែកធនធានកីឡាករកម្ពុជាទៅពេលអនាគត។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
ខ្ញុំបាទ និង សមាជិកក្នុងក្រុមទាំងអស់ សូមថ្លែងអំណរគុណដល់ ក្រុមហ៊ុន 2MBET ដែលបានឧបត្ថម្ភឯកសណ្ឋានដល់ក្រុមយើងខ្ញុំ សូមជូនពរក្រុមហ៊ុនជោគជ័យកាន់តែខ្លាំង មានអតិថិជនកាន់តែច្រើន៕