តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ Dragon Small។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
Dragon Small ជាក្រុមមានមូលដ្ឋានស្ថិតនៅខេត្តតាកែវ បង្កើតឡើងបានជាង ១ ឆ្នាំហើយ។ តំណាងក្រុមបានលើកឡើងយ៉ាងដូច្នោះថា៖
គោលដៅបង្កើតក្រុមនេះឡើង គឺចង់ប្រមូលបងប្អូនយើងដែលស្រលាញ់ និងចូលចិត្តបាល់ទាត់ ឲ្យមកបានលេងដើម្បីតែមិត្តភាព សុខភាព និងជៀសឆ្ងាយពីគ្រឿងញៀន ហើយក៏ជាចំណែកចូលរួមលើកស្ទួយវិស័យកីឡាមួយនេះ ឲ្យកាន់តែរីកចម្រើនខ្លាំងឡើងផងដែរ។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
ខ្ញុំបាទសូមថ្លែងអំណរគុណដល់ 2MBET ដែលបានឧបត្ថម្ភឈុតកីឡាដល់ក្រុមយើងខ្ញុំ ពួកយើងសូមជូនពរឲ្យក្រុមហ៊ុនកាន់តែជោគជ័យតទៅមុខ៕