តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ អណ្តើកទេព FC។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
អណ្តើកទេព FC ជាក្រុមមានមូលដ្ឋានស្ថិតនៅឯខេត្តតាកែវ បង្កើតឡើងបាន ១ ឆ្នាំ រួចមានសមាជិកសរុប ១៧ នាក់។ តំណាងក្រុមលោក សៀង សុជាតិ បានលើកឡើងយ៉ាងដូច្នោះថា៖
ខ្ញុំសូមផ្ញើសារទៅកាន់យុវជនយើងទាំងអស់ ឆ្លៀតពេលទំនេរពីការសិក្សា ក៏ដូចជាទំនេរពីការងារផ្សេងៗ គួរយកពេលវេលាដ៏មានតម្លៃទៅចូលរួមលេងកីឡា ជាពិសេសកីឡាបាល់ទាត់ ដែលកីឡាប្រភេទនេះបាននាំត្រលប់មកយើងវិញនូវរាងកាយមាំមួន សុខភាពល្អ ជាពិសេសជួយបង្កើតបាននូវមិត្តភាព និងទំនាក់ទំនងល្អទៅវិញទៅមក ក៏ដូចជាបានចូលរួមលើកស្ទួយវិស័យកីឡានៅក្នុងប្រទេសយើងផងដែរ។
បន្ថែមពីលើនេះខ្ញុំសូមសំណូមពរផងដែរថា រាល់ពេលប្រកួតជៀសមិនផុតឡើយពីការប៉ះទង្កិចគ្នា ដូច្នេះក្នុងនាមយើងជាពូជពង្សខ្មែរដូចគ្នាសូមរក្សាការអធ្យាស្រ័យខ្ពស់ ឲ្យគ្នាទៅវិញទៅមក។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
ជាចុងក្រោយខ្ញុំសូមធ្វើការថ្លែងអំណរគុណយ៉ាងជ្រាលជ្រៅដល់ក្រុមហ៊ុន 2MBET និងបងៗក្រុមការងារទាំងអស់ដែលបានចំណាយពេលវេលា និងថវិកាផ្ទាល់ខ្លួនដោយបានឧបត្ថម្ភនូវឈុតកីឡាយ៉ាងស្រស់ស្អាតដល់ក្រុមរបស់យើងខ្ញុំ និងក្រុមកីឡាករជាច្រើនទៀតដែលមានការខ្វះខាត។
យើងទាំងអស់គ្នាសូមជូនពរឱ្យក្រុមហ៊ុន និងបងៗក្រុមការងារទាំងអស់ មានសុខភាពល្អ ជោគជ័យនិងមានអ្នកគាំទ្រកាន់តែច្រើនឡើងបន្ថែមទៀត ដើម្បីបន្តសកម្មភាពមនុស្សធម៌ និងចូលរួមលើកកម្ពស់វិស័យកីឡាក្នុងប្រទេសយើងបែបនេះតទៅមុខ។