លោក Erik ten Hag បានអះអាងថាក្រុមបិសាចក្រហម Manchester United ទំនងជាមានបញ្ហាកម្លាំងជាក់ជាមិនខាន ព្រោះនៅត្រឹមជាងពាក់កណ្ដាលរដូវកាលនេះ ក្រុមរបស់លោកលេងដល់ទៅ៤៤ប្រកួតទៅហើយ។
Man Utd នារដូវកាលនេះនៅសល់ពានទាំងអស់តែម្ដង ពោលគឺក្រោយពីឈ្នះ Carabao Cup ហើយ ពួកគេនៅមាន Europa League , FA Cup និង Premier League ទៀត។ ការប្រកួតនៅសល់ទាំងអស់បែបនេះ នឹងធ្វើឱ្យកីឡាកររបស់ Man Utd ត្រូវលេង១សប្ដាហ៍ រហូតដល់២ប្រកួតហើយ។ ជាក់ស្ដែងក្រោយពីប្រកួតជាមួយ Southampton ហើយ នៅពាក់កណ្ដាលសប្ដាហ៍ក្រោយ លេង Europa League និងបន្ដទៅ FA Cup ទៀត។
ប្រកួតញឹកគ្នាបែបនេះ ទើបលោក Ten Hag អះអាងថាសមាជិកក្រុមនឹងជួបបញ្ហាការប្រមូលកម្លាំងជាក់ជាមិនខាន។ មួយវិញទៀត ចាប់ពីប្រកួតនេះទៅ គឺសុទ្ធតែជាប្រកួតសំខាន់ ដែលលោកទាមទារឱ្យប្រើប្រាស់កីឡាករជម្រើស១១នាក់ល្អបំផុតដើម្បីឈ្នះការប្រកួតបាន។ លោកក៏បានស្នើសុំទៅខាងក្លឹប ដើម្បីសិក្សាពីលទ្ធភាពក្នុងការពង្រឹងទៅលើកាយសម្បទារបស់កីឡាករផងដែរ ដើម្បីឱ្យកីឡាករអាចប្រមូលកម្លាំងបានគ្រប់គ្រាន់៕