តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់បែកញើស។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
បែកញើសជាក្រុមមានមូលដ្ឋានស្ថិតនៅរាជធានីភ្នំពេញ បង្កើតឡើងបានជាង ១ ឆ្នាំ រួចមានសមាជិកសរុប ២១ នាក់។ តំណាងក្រុមយុវជន សាត ផានូ បានលើកឡើងយ៉ាងដូច្នោះថា៖
ខ្ញុំសូមសំណូមពរដល់យុវជនគ្រប់រូបឲ្យចូលរួមលេងកីឡា ដើម្បីបង្កើនមិត្តភាព ភាពស្និទ្ធស្នាលជាមួយយុវជនផ្សេងៗទៀត ជាក់ស្តែងខ្លួនខ្ញុំផ្ទាល់ មានមិត្តល្អៗដោយសារស្គាល់គ្នា នៅពេលលេងកីឡានេះហើយ មួយវិញទៀតក្នុងនាមជាយុវជន ត្រូវនិយាយថាទេចំពោះគ្រឿងញៀន។
ចំណែកឯឆន្ទៈរបស់ក្រុមបែកញើសរាល់ថ្ងៃ គឺព្យាយាមលេងជាក្រុមឱ្យបានល្អ ពេលមិត្តភាពម្ដងៗ និងសម្រាប់ថ្ងៃអនាគតដើម្បីមានសមត្ថភាពចូលរួមប្រកួតពានហ្វូតសាលណាមួយនៅពេលខាងមុខ។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
ពិតជាមានសេចក្តីសោមនស្សរីករាយក្រៃលែង ហើយសូមអរគុណដល់ក្រុមហ៊ុនដែលបានឧបត្ថម្ភឈុតកីឡាជូនក្រុមយើងខ្ញុំ សូមជូនពរឲ្យមានអតិថិជនគាំទ្រកាន់តែច្រើនបន្តឈានទៅមុខ៕