តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ FIRE FOX។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
FIRE FOX ជាក្រុមមានមូលដ្ឋានស្ថិតនៅរាជធានីភ្នំពេញ បង្កើតឡើងបានជាងមួយឆ្នាំ រួចមានសមាជិកសរុប ៣០ នាក់។ តំណាងក្រុមយុវជន សាន់ វូ បានលើកឡើងយ៉ាងដូច្នោះថា៖
ជាសារចែករំលែក ខ្ញុំចង់ឲ្យក្រុមបាល់ទាត់ទាំងអស់មានការយោគយល់ អធ្យាស្រ័យគ្នាឲ្យបានខ្ពស់ ព្រោះជាការពិត ក្នុងការប្រកួតជួនខ្លះតែងមានប៉ះពាក្យប៉ះសម្តី ឬកាយវិការទៅវិញទៅមក មួយផ្សេងទៀតសូមជំរុញ លើកទឹកចិត្តឲ្យយុវជនក្រោយៗចូលរួមលេងកីឡា ជាជាងចំណាយពេលដើរក្នុងផ្លូវខុស ឬប្រលូកក្នុងទំនាក់ទំនងរាប់អានមិត្តភក្តិខុសជាដើម។
ចំពោះឆន្ទៈពេលទៅមុខ ក្រុមរបស់ខ្ញុំចង់ពង្រីកសមាជិកបន្ថែម ដូចគ្នានឹងការអភិវឌ្ឍសមត្ថភាព គុណភាពលើទីលាន ដើម្បីឆ្ពោះទៅការប្រកួតប្រជែងពានរង្វាន់ណាមួយ។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
ជាចុងក្រោយក្នុងនាមខ្ញុំជាប្រធានក្រុម Fire Fox សូមថ្លែងអំណរគុណយ៉ាងជ្រោលជ្រៅចំពោះការឧបត្ថម្ភឈុតកីឡាយ៉ាងស្រស់ស្អាតជូនក្រុមរបស់ខ្ញុំ ហេីយខ្ញុំក៏សូមជូនពរក្រុមហ៊ុន2MBET ឲ្យជួបតែសំណាងល្អ រួមទាំងក្រុមការងារទទួលបានសុខភាពល្អផងដែរ៕