លោក Xavi Hernandez អ្នកចាត់ការក្រុម FC Barcelona| បានចាត់ទុកខ្សែប្រយុទ្ធ Marcus Rashford ថាជាខ្សែប្រយុទ្ធកំពូលម្នាក់នៅអឺរ៉ុបនាពេលបច្ចុប្បន្ននេះ។
ក្រុមយក្សអេស្ប៉ាញ Barcelona នឹងត្រូវបើកទ្វាផ្ទះស្វាគមន៍ក្រុមភ្ញៀវ Manchester United ហើយនៅរាត្រីនេះសម្រាប់ជើងទី១នៃពានរង្វាន់ UEFA Europa League ។ នេះជាការប៉ះគ្នាជាថ្មីសម្រាប់ក្រុមទាំងពីរ ក្រោយពីពួកគេខកខានប៉ះគ្នាជាច្រើនឆ្នាំមកហើយ។ Barcelona ក្រោមការដឹកនាំរបស់លោក Xavi ឃើញថាកំពុងឡើងជើងល្អ ឈរកំពូលតារាង La Liga ។ ខណៈដែល Man Utd ក្រោមការដឹកនាំរបស់លោក Erik ten Hag វិញក៏មានការកែប្រែល្អប្រសើរច្រើនជាងពីមុនផងដែរ។
មុនការប្រកួតនៅរាត្រីនេះ លោក Xavi បាននិយាយថា៖ “Ten Hag ជាគ្រូអស្ចារ្យម្នាក់។ ក្នុងគំនិតខ្ញុំ ខ្ញុំជឿជាក់ថាគាត់បានកែប្រែស្ថានភាពនៅ United បានច្រើនក្នុងរដូវកាលដំបូងនេះ។ កីឡាករក្នុងក្រុមចាប់ផ្ដើមសប្បាយចិត្តក្នុងការលេងបាល់វិញ ពួកគេចាប់ផ្ដើមត្រលប់មកលេងនៅចំណុចកំពូលវិញហើយ។ សម្រាប់ Rashford វិញ គាត់ជាកីឡាករគ្រោះថ្នាក់ម្នាក់ដែលយើងត្រូវប្រុងប្រយ័ត្ន។ គាត់ជាខ្សែប្រយុទ្ធកំពូលម្នាក់នៅអឺរ៉ុបនាពេលបច្ចុប្បន្ន”៕