តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ Bong P’oun។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
Bong P’oun ជាក្រុមមានមូលដ្ឋានស្ថិតនៅរាជធានីភ្នំពេញ បង្កើតឡើងបានជាងកន្លះឆ្នាំ រួចមានសមាជិកសរុប ២២ នាក់។ តំណាងក្រុមលោក គ្រីស ប៉ុក បានលើកឡើងយ៉ាងដូច្នោះថា៖
សូមអំពាវនាវទៅដល់កុមាររួមទាំងយុវជនប្រុសស្រីទូទាំងភូមិ, ស្រុក និង ទូទាំងប្រទេស ឲ្យរួមគ្នាងាកមកលេងកីឡា ដោយមានច្រើនប្រភេទ ជាពិសេសកីឡាបាល់ទាត់ដើម្បីលើកកម្ពស់វិស័យនេះឈានទៅមុខ ហើយជៀសឆ្ងាយពីការដើរបង្កភាពចលាចលក្នុងសង្គម ក៏ដូចជាការសេពគ្រឿងញៀនជាដើម។
ចំពោះឆន្ទៈពេលទៅមុខ កីឡាបងប្អូនមានគោលដៅនិងផែនការណ៍រួចជាស្រេចនូវថ្ងៃអនាគត់ ដើម្បីអភិវឌ្ឍហេដ្ឋារចនាសម្ព័ន្ធក្រុម និង ប្រមូលយុវជនដែលស្រលាញ់ ចូលចិត្តកីឡាបាល់ទាត់មកចូលរួមក្រុមដើម្បីសម្រេចគោលដៅក្រុមនូវចំនុចមួយដែលអាចប្រកួតប្រជែងពានរង្វាន់ណាមួយនៅក្នុងប្រទេសយើង។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
ខ្ញុំតំណាងអោយក្រុមកីឡាបងប្អូនទាំងអស់ សូមថ្លែងអំណរគុណយ៉ាងក្រៃលែង ដែលក្រុមហ៊ុនតែងតែផ្ដល់ការយកចិត្តទុកដាក់ទៅលើការផ្សព្វផ្សាយ និង ផ្ដល់ជូនសំលៀកបំពាក់កីឡាទៅដល់ក្រុមជាច្រើនមកនេះ ពួកយើងជូនពរក្រុមហ៊ុន 2MBET ឲ្យរីកចម្រើនគ្រប់ការងារតទៅមុខនិងឈានមុខគេជារៀងរហូតទៅ៕