ក្រុមយក្សអាល្លឺម៉ង់ Bayern Munich ឡើងកំពូលតារាង Bundesliga វិញហើយ ក្រោយពីពួកគេយកឈ្នះលើក្រុម Wolfsburg បានក្នុងលទ្ធផល ៤-២ នៅយប់មិញនេះ។
Bayern Munich ក៏មិនសូវលេងបានល្អប៉ុន្មានដែរនៅប៉ុន្មានប្រកួតចុងក្រោយនេះ។ តែក៏មិនអាក្រក់រហូតដល់ចាញ់ បាត់ឱកាសក្នុងការឈរនៅកំពូលតារាងដែរ។ ជាក់ស្ដែងនៅយប់មិញ ក្រោយពីយកឈ្នះលើក្រុម Wolfsburg បានក្នុងលទ្ធផល ៤-២ នោះ ពួកគេបន្ដនៅឈរកំពូលតារាងវិញដដែល បើទោះជាក្នុងការប្រកួត Kimmich បានកាតក្រហមតាំងពីនាទី៥៤ក៏ដោយ។ បច្ចុប្បន្ននេះ Bayern Munich ឈរនៅលេខ១ មាន៤០ពិន្ទុ តាមពីក្រោយដោយក្រុម Union Berlin មាន៣៩ពិន្ទុ។
ក្រុម Bayern Munich ក៏នៅមានភារកិច្ចធំមួយទៀតដែរនៅពាក់កណ្ដាលខែនេះ ដោយប៉ះក្រុមខ្លាំង PSG នៅពានពានរង្វាន់ UEFA Champions League ។ ជំនួបនោះដែរ នឹងល្អមើលជាក់ជាមិនខាន ព្រោះក្រុមទាំងពីរសុទ្ធតែលេខ១ប្រចាំប្រទេសរៀងខ្លួនហើយ៕