តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ CALVARY។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
CALVARY ជាក្រុមមានមូលដ្ឋានស្ថិតនៅខេត្តព្រះសីហនុ បង្កើតឡើង ១ ឆ្នាំមកហើយ រួចមានសមាជិកសរុប ១៥ នាក់។ តំណាងក្រុមលោក ស៊ីដេត បានលើកឡើងយ៉ាងដូច្នោះថា៖
ខ្ញុំចង់ចែករំលែកទៅកាន់យុវជនលេងកីឡាបាល់ទាត់ទាំងអស់ ឲ្យមានការយោគយល់ អធ្យាស្រ័យខ្ពស់ សាមគ្គីបង្កើតទំនាក់ទំនងល្អ ដ្បិតកន្លងមកឃើញក្រុមមួយចំនួន ដោយហេតុតែចង់ឈ្នះ ផ្តោតលើលទ្ធផលគ្រាប់បាល់ពេក ក៏នាំឲ្យបាត់បង់ចំណុចទាំងអស់នោះ ហើយចំពោះឆន្ទៈក្រុមទាំងមូល ពេលអនាគតយើងចង់ប្រមែប្រមូលបង្កើតជាឈុតធំ ដើម្បីចូលរួមប្រកួតពានមហាជនក្នុងខេត្ត តាមដែលអាចធ្វើទៅបាន។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
អរគុណដល់ក្រុមហ៊ុន 2MBET តែងតែផ្តល់ឯកសណ្ឋានកីឡាដល់ក្រុមបាល់ទាត់នានា ដែលសកម្មភាពទាំងនេះសោត ក៏បានចូលរួមជួយដាស់ចិត្តយុវជន ឲ្យមានការចូលរួមលេងកីឡា និងជាចំណែកអភិវឌ្ឍវិស័យបាល់ទាត់នៅកម្ពុជាផងដែរ ចុងក្រោយសូមជូនពរឲ្យក្រុមហ៊ុនកាន់តែរីកចម្រើន និងទទួលបានការគាំទ្រតទៅមុខ៕