លោក Keisuke Honda បានចោទប្រកាន់ទៅលើខាងភាគីឥណ្ឌូណេស៊ី ក្រោយពីមានការរំខានដោយមានអ្នកទូរសព្ទចូលបន្ទប់របស់លោកដល់ទៅ២ដងនៅវេលាម៉ោង៤ព្រឹក។
ក្រុមបាល់ទាត់ជម្រើសជាតិកម្ពុជាបានធ្វើដំណើរដល់ប្រទេសឥណ្ឌូណេស៊ីហើយ ដើម្បីត្រៀមខ្លួនប្រកួតជាមួយក្រុមម្ចាស់ផ្ទះនៅវេលាម៉ោង៤:៣០នាទីល្ងាចនេះ។ ដោយឡែកមុនការប្រកួតនោះមកដល់ Honda បាននិយាយរឿងហួសចិត្តមួយកើតឡើងមកលើលោក ក៏ដូចជាក្រុមការងារដទៃទៀតដែរ។ ដោយមានអ្នកទូរសព្ទចូលបន្ទប់របស់ Honda រហូតដល់ទៅ២ដងនៅម៉ោង៤ព្រឹកហើយមិនបាននិយាយអ្វីនោះទេ។ ដោយនេះហាក់ដូចជាចង់រំខានដល់ការសម្រាកប៉ុណ្ណោះ។
ដោយឡែកមិនមានតែ Honda ម្នាក់ទេដែលទទួលបានការទូរសព្ទរំខាននេះ ដោយក្រុមការងាររបស់ជម្រើសជាតិដទៃទៀតក៏ទទួលទូរសព្ទបែបនេះដូចគ្នា។ ខណៈដែលការរំខាននេះដែរ កើតឡើងល្មមមុនការប្រកួតរវាងក្រុមទាំងពីរនៅល្ងាចនេះ ស្របពេលកម្ពុជាក៏មិនសូវមានពេលគ្រប់គ្រាន់ក្នុងការរៀបចំក្រុមថែមទៀត៕