លោក Keisuke Honda អ្នកចាត់ការទូទៅរបស់ក្រុមជម្រើសជាតិកម្ពុជា មិនសប្បាយចិត្តនោះទេក្នុងការប្រកួត AFF Cup 2022 នេះ ដោយសារតែមើលឃើញពីកាលវិភាគញឹកគ្នាខ្លាំងពេក។
ក្រុមជម្រើសជាតិកម្ពុជាបើកការប្រកួតដំបូងយកឈ្នះលើក្រុមហ្វីលីពីនបានយ៉ាងគួរឱ្យភ្ញាក់ផ្អើលក្នុងលទ្ធផល ៣-២ ធ្វើឱ្យអ្នកគាំទ្រសប្បាយចិត្តមែនទែន។ គ្រាន់តែចប់ការប្រកួតនោះភ្លាម ក្រុមកីឡាករកម្ពុជាត្រូវធ្វើដំណើរទៅប្រទេសឥណ្ឌូណេស៊ីភ្លែតដើម្បីទៅត្រៀមប្រកួតទី២ទៀតដែលនឹងធ្វើឡើងនៅថ្ងៃទី២៣ខែធ្នូឆ្នាំ២០២២។ ដោយនេះសបញ្ជាក់ឱ្យឃើញថាកម្ពុជាមានពេលសម្រាកត្រឹមតែ២ថ្ងៃនិងបានហាត់១ថ្ងៃប៉ុណ្ណោះមុនការប្រកួតនេះ។
លោក Honda អ្នកចាត់ការក្រុមកម្ពុជាមិនពេញចិត្ដចំពោះការលេងបែបនេះឡើយ។ លោកបានបង្ហាញអារម្មណ៍នៅលើបណ្ដាញសង្គមថា៖ “កាលវិភាគប្រកួតរបស់ AFF Cup គឺពិបាកទទួលយកណាស់។ តើអ្នកអាចស្រមៃបានទេថាវាពិបាកប៉ុណ្ណា បើមើលតាមកាលវិភាគខាងក្រោមនេះ៖
- ថ្ងៃទី ២០ ខែធ្នូ ម៉ោង ៥:០០នាទីរសៀល ប្រកួតជាមួយ ហ្វីលីពីន នៅកម្ពុជា
- ថ្ងៃទី ២១ ខែធ្នូ ហោះទៅប្រទេសឥណ្ឌូនេស៊ី (អត់បានហាត់)
- ថ្ងៃទី ២២ ខែធ្នូ ហ្វឹកហាត់ផ្លូវការ
- ថ្ងៃទី២៣ ខែធ្នូ ម៉ោង ៧:៣០ ប្រកួត នៅឥណ្ឌូនេស៊ី
ខណ:ក្រុមជម្រើសជាតិ ឥណ្ឌូនេស៊ី ជាការប្រកួតដំបូងរបស់គេ…”៕