លោក Martin Samuel អ្នកកាសែតរបស់ dailymail បានសរសេរចំណងជើងធំៗថា ក្លឹប Real Madrid ជាក្លឹបស៊ីគ្រូបង្វឹកបំផុត ប្រសិនណាបើគ្រូបង្វឹកណាទៅ នឹងមានសម្ពាធខ្លាំង។
ក្រោយពីទើបនឹងបណ្ដេញលោក Julen ចេញពីតំណែង ពេលនេះក្រុម Real Madrid កំពុងស្វែងរកអ្នកចាត់ការថ្មី ប៉ុន្តែមិនទាន់ច្បាស់ថាម្នាក់ណានៅឡើយទេ។ ជាក់ស្ដែងលោក Conte ជាបេក្ខភាពឈានមុខគេ ក្រោយមកទៀតគឺ Martinez គ្រូបង្វឹកបែលហ្សិក។ ចុងក្រោយគេ គឺលោក Mauricio Pochettino អ្នកចាត់ការក្រុម Spurs ។
ជាមួយគ្នានេះដែរ លោក Martin Samuel អ្នកកាសែតរបស់ dailymail បានសរសេរអត្ថបទ១ទាក់ទងទៅនឹងរឿងអ្នកចាត់ការក្រុម Real Madrid នេះ។ លោកបានបញ្ជាក់ថាតាមការមើលឃើញប៉ុន្មានឆ្នាំចុងក្រោយនេះ ក្លឹប Real Madrid ស៊ីគ្រូបង្វឹកច្រើនមែនទែន។ ហេតុដែលបណ្ដាលឱ្យមានការធ្វើស៊ីគ្រូច្រើននេះ គឺដោយសារតែមានកត្តាជាច្រើនក្នុងក្លឹបយក្សអេស្ប៉ាញនេះ។ ប៉ុន្តែកត្តាធំជាងគេនោះ គឺលទ្ធផលតែម្ដង។
ក្រុម Real Madrid ជាក្រុម Champions ។ ពួកគេត្រូវការឈ្នះគ្រប់ប្រកួត ប្រសិនបើការចាប់ផ្ដើមរបស់អ្នកចាត់ការម្នាក់មិនល្អទេ នោះរដូវកាលរបស់គេអាចនឹងបញ្ចប់ភ្លាមតែម្ដង មិនចាំបាច់មើលច្រើនប្រកួតឡើយ។ ពួកគេ មិនមើលទៅលើទម្រង់លេងក្រុមជាធំទេ សំខាន់សម្រាប់ពួកគេគឺលទ្ធផល ឈ្នះតែម្ដង៕ប្រភពDailyMail