កម្មវិធី CPL Football Award 2022 បានធ្វើឡើងដោយជោគជ័យកាលពីពេលថ្មីៗនេះ ដើម្បីប្រគល់ពានរង្វាន់ដល់កីឡាករឆ្នើម និងគ្រូបង្វឹក ក្រោយពីចប់រដូវកាលលីគកម្ពុជាទៅ។
ក្នុងពិធីនោះដែរ មានអ្នកឈ្នះរង្វាន់ជាច្រើនត្រូវបានប្រកាសឡើង និងទទួលបានពានផងដែរ។ ជាក់ស្ដែងពានគ្រូបង្វឹកល្អបានទៅលើលោក Oleg Starynakyi ដែលដឹកនាំក្រុមភ្នំពេញក្រោន ម្ចាស់ស្បែកជើងមាសបានទៅលើ Marcus Haber របស់ព្រះខ័នរាជស្វាយរៀង កីឡាករវ័យក្មេងល្អជាងគេបានទៅលើ លឹម ពិសុទ្ធ។ អ្នកចាំទីល្អជាងគេបានទៅលើសាវ៉ែង សំណាង របស់ភ្នំពេញក្រោន។
សម្រាប់កីឡាករ១១នាក់ដំបូងល្អបំផុតនៅលីគកំពូលកម្ពុជាក្នុងឆ្នាំ២០២២នេះ គឺមាន អ្នកចាំទី សាវ៉ែង សំណាង, Fareed Sadat, លឹម ពិសុទ្ធ, ឆេង ម៉េង, អ៊ុក សុវណ្ណ, សា ទី , សារ៉េត គ្រីយ៉ា, Mizuno Hikiru, Marcus Haber , ម៉ាត់ នូរុណ និង សៀង ចន្ធា ៕