ក្រុមបាល់ទាត់ជម្រើសជាតិកម្ពុជាក្រោមអាយុ១៧ឆ្នាំបានបរាជ័យក្រោមថ្វីជើងក្រុម U17 របស់ចិនដល់ទៅ ៩-០ ឯណោះក្នុងការប្រកួតពានរង្វាន់ AFC U17 Asian Cup 2023 Qualifiers នៅកីឡដ្ឋាន Sheppaton Sport City ប្រទេសអូស្រ្តាលី។
ក្រុម U17 ចិន គឺជាជើងឯក២សម័យនៃការប្រកួតពានរង្វាន់ខាងលើនេះ។ មិនឱ្យបាក់ឈ្មោះនោះទេ ក្រុមខ្លាំងរបស់ចិននេះ ពិតជាធ្វើបានល្អណាស់ទល់ក្រុមកម្ពុជាក្នុងការប្រកួតបើកឆាកនៅថ្ងៃមិញនេះ ដោយលត់ក្រុម U17 កម្ពុជាដល់ទៅ ៩-០ ឯណោះ។ ដោយតង់ទី១ ចិនស៊ុតបាន៤គ្រាប់ និងតង់ទី២ ពួកគេបន្ថែមបាន៥គ្រាប់ទៀត។
រំលឹកថា U17 កម្ពុជា ស្ថិតក្នុងពូល G ជាមួយម្ចាស់ផ្ទះអូស្ត្រាលី ចិន និង កោះម៉ារីណាខាងជើង ការប្រកួតវគ្គជម្រុះនៃពានរង្វាន់បាល់ទាត់ទ្វីបអាស៊ី AFC U17 ASIAN CUP BAHRAIN 2023៕