ក្លឹបបាល់ទាត់ ISI Dangkor Senchey បានបើកសម្ពោធកីឡដ្ឋានថ្មីរបស់ខ្លួនហើយឈ្មោះថា AIA KMH Park កាលពីម្សិលមិញនេះ ទទួលស្វាគមន៍ក្រុមភ្ញៀវយុវជនសាលាបាល់ទាត់បាទីក្នុងពានរង្វាន់លីគលំដាប់ទី២នៃកម្ពុជា។
ជាលទ្ធផលឃើញថាក្រុមម្ចាស់ផ្ទះ ISI Dangkor Senchey ទទួលបានជ័យជម្នះ ហើយអ្វីដែលកាន់តែពិសេសថែមទៀតនោះគឺមានអ្នកគាំទ្រយ៉ាងច្រើនចូលរួមទស្សនាតែម្ដង។ បើតាមប្រភពពីកីឡដ្ឋានផ្ទាល់ អ្នកគាំទ្រប្រមាណជា ៣២៩៧នាក់បានចូលរួមទស្សនា ពោលគឺពេញកីឡដ្ឋានតែម្ដង។ មិនត្រឹមតែប៉ុណ្ណោះក៏មានអ្នកឈរមើលពីផ្សា K Mall ដែលស្ថិតនៅក្បែរនោះឡើងណែនផងដែរ។
រំលឹកថាក្រុម ISI Dangkor Senchey មានក្លឹបមានមហិច្ឆតាធំនៅកម្ពុជា។ ពួកគេលេងនៅលីគលំដាប់ទី២ ប៉ុន្តែក៏មានគម្រោងឡើងមកលេខលីគកំពូលឆាប់ៗនេះផងដែរ។ ក្រៅពីនេះទៀត បច្ចុប្បន្នទើបតែកសាងកីឡដ្ឋានស្ដងដាមួយយ៉ាងឡូយ ហើយគោលដៅចង់ក្លាយជាក្លឹបអាចប្រកួតប្រជែងនៅអាស៊ីទៀតផង៕