លោក Carlo Ancelotti អះអាងថាក្រុម Real Madrid បង្ហាញទម្រង់លេងយ៉ាងល្អ ហើយសមតែរកគ្រាប់បាល់បានច្រើនជាងនេះ។
ក្រុមអធិរាជសនៅតែបង្ហាញសាច់ដុំដដែល ដោយបន្ដឈ្នះប្រកួតទី៤របស់ខ្លួនទល់ក្រុម Real Betis ក្នុងលទ្ធផល ២-១។ ដោយ២គ្រាប់សម្រេចបាននោះចេញពីជើងរបស់ Junior ១គ្រាប់និង Rodrygo ១គ្រាប់។ ក្រុមរបស់លោក Carlo Ancelotti បានគ្រប់គ្រងការប្រកួតនេះបានល្អ ដើម្បីយក៣ពិន្ទុបន្ថែមទៀត ឈរនៅកំពូលតារាង La Liga ។
ក្រោយចប់ការប្រកួតលោក Ancelotti បាននិយាយដែរថា៖ “យើងលេងបានល្អប្រកួតនេះ យើងសហការគ្នាបានល្អ ប៉ុន្ដែយើងក៏ខកខានឱកាសច្រើនដែរក្នុងការរកគ្រាប់បាល់។ យើងបានបង្កើតឱកាសច្រើន ហើយចុងបញ្ចប់យើងសក្ដិសមក្នុងការឈ្នះប្រកួតនេះ”៕