ក្រុម Spurs នឹងត្រូវតតាំងជាមួយក្រុម FC Barcelona ក្នុងការប្រកួតទី២ វគ្គសន្សំពិន្ទុតាមពូល ពានរង្វាន់ UEFA Champions League ។
ខ្សែការពារកណ្ដាល Jan Vertonghen នឹងត្រូវអវត្តមានសម្រាប់ការប្រកួតសំខាន់មួយនេះ ក្រោយពីរងរបួសសាច់ដុំ កាលប៉ះជាមួយ Huddersfield ក្នុងលីគកំពូលអង់គ្លេស។ ខណៈដែលនេះជាក្ដីកង្វល់មួយសម្រាប់ក្រុមមាន់ខ្នាយមាស ព្រោះថាពួកគេបាត់ខ្សែបម្រើឆ្នើម Dele Alli មួយទៅហើយ។
មិនត្រឹមតែប៉ុណ្ណឹងទេ ក្រុមរបស់លោក Mauricio Pochettino ក៏កំពុងពិបាកចិត្តចំពោះ Christian Eriksen និង Hugo Lloris ផងដែរ ព្រោះពួកគេមិនទាន់ ១០០% ថាអាចលេងបានពេញម៉ោងឬអត់ឡើយ។ ដោយសូម្បីតែ Serge Aurier វិញ ក៏មិនមានវត្តមានដែរ ដោយកត្តារបួសដូចគ្នា។ នេះសបញ្ជាក់ឱ្យឃើញថាក្រុម Spurs កំពុងមានវិបត្តិកីឡាករជាខ្លាំង មុនប៉ះក្រុមអ្នកមានបុណ្យ FC Barcelona ៕ប្រភពDailyMail