ខ្សែការពារស្លាបឆ្វេង Theo Hernandez ត្រូវបានគេរាយការណ៍ថា បានបដិសេធសំណើក្លឹបធំៗដល់ទៅ ៣ រួមមាន Chelsea, Man City និង Paris Saint-Germain ហើយបន្តឆន្ទៈ ចង់រួមរស់នៅក្លឹបបច្ចុប្បន្ន AC Milan។
បុរសវ័យ ២៤ ឆ្នាំ គេបានក្លាយជាចំណែកដ៏សំខាន់ របស់ក្លឹបមានមូលដ្ឋានក្នុងទីក្រុង Milan រដូវកាលនេះ ដោយបង្ហាញខ្លួនសរុប ២២ ប្រកួត អាចរកបានដល់ទៅ ៤ គ្រាប់និង Assist ៤ លើក។ នេះក្នុងនាមជាខ្សែការពារ តែមានស្ថិតិល្អប៉ុណ្ណឹង ទើបជាហេតុដែលនាំឲ្យក្លឹបធំៗ មិនអាចមើលរំលងបាន។
សម្រាប់ Chelsea ឯណោះវិញ ក៏ដោយសារតែរបួស Ben Chilwell ដល់បញ្ចប់រដូវកាល ដូច្នេះហើយពិតជាបាក់ចិត្តមកលើ Theo ជាខ្លាំង តែស្តាយកីឡាករសញ្ជាតិបារាំង ហាក់មិនចាប់អារម្មណ៍ការផ្ទេរមកក្លឹបអង់គ្លេសមួយនេះទាល់តែសោះ។ នេះបើតាមសារព័ត៌មាន Calciomercato បានចុះផ្សាយ។
ប្រភពក៏សង្កត់ធ្ងន់ថា Theo បាននឹងកំពុងជជែកជាមួយនាយកជាន់ខ្ពស់ក្លឹប លោក Paolo Maldini ដោយមានតម្រុយវិជ្ជមាន នឹងបន្តកុងត្រាថ្មី ដល់ឆ្នាំ ២០២៦ ឬ ២០២៧។ ជាមួយគ្នានេះ ថ្លៃពលកម្មរបស់គេ ក៏នឹងកើនឡើងផងដែរ ពោលអាចនឹងឡើងដល់ ៥ លានអឺរ៉ូ/ឆ្នាំ៕
ប្រភព៖ Calciomercato