ក្រុម Real Madrid លេងបានត្រឹមស្មើជាមួយ Athletic Bilbao ១-១ ប៉ុណ្ណោះ ក្នុងការប្រកួតសប្ដាហ៍ទី ៤ ពានរង្វាន់ La Liga ។
លទ្ធផលបានត្រឹម១ពិន្ទុនេះដែរ បានធ្វើឱ្យក្រុម Real Madrid ចាញ់ពិន្ទុក្រុមកំពូលតារាង La Liga រហូតដល់២ពិន្ទុហើយ ក្រោយពី FC Barcelona បានវាយបកយកឈ្នះ Real Sociedad បានវិញនៅយប់មិញ។
Madrid ដែលមានឱកាសល្អៗជាច្រើន ប៉ុន្តែមិនមានសំណាងយកឈ្នះលើម្ចាស់ផ្ទះ Athletic Bilbao នោះ បានបញ្ចប់កំណត់ត្រាឈ្នះគ្រប់ប្រកួតនៅបើករដូវកាលថ្មីនេះហើយ ខណៈដែលកីឡាករ Sergio Ramos ក៏មិនសប្បាយចិត្តដែរ។
ប្រធានក្រុមខាងលើបាននិយាយថា៖ “ជាធម្មតា លទ្ធផលស្មើគឺមិនល្អនោះទេ។
យើងតែងតែចង់បាន៣ពិន្ទុ ប៉ុន្តែយើងមានបញ្ហានៅតង់ទី១ ចំពោះការបម្លាស់ទៅទើបយើងបរាជ័យ បានត្រឹម១ពិន្ទុនេះ។ យ៉ាងណាមិញ យើងនឹងខំប្រឹងប្រែងបន្ដទៀត ព្រោះការប្រកួតនៅសល់ជាច្រើនទៀត”៕ប្រភព៖ DailyMail