ក្រុមបាល់ទាត់ជម្រើសជាតិអាល្លឺម៉ង់ នឹងត្រូវប្រកួតជាមួយក្រុមអង់គ្លេសនៅម៉ោង១១យប់នេះ សម្រាប់ការប្រកួតវគ្គ១៦ក្រុមចុងក្រោយពានរង្វាន់ Euro 2020 ។
មុនការប្រកួតនេះចាប់ផ្ដើម Manuel Neuer អ្នកចាំទីអាល្លឺម៉ង់បានបង្ហាញចំណាប់អារម្មណ៍ថា៖ “Harry Kane? គាត់ជាខ្សែប្រយុទ្ធដ៏គ្រោះថ្នាក់ម្នាក់របស់អង់គ្លេស។ គាត់នឹងប្រឹងប្រែងខ្លាំងសម្រាប់ប្រកួតនេះ។ ១០០% សម្រាប់ប្រកួតនេះ។ យើងធ្លាប់បានលេងទល់គាត់ យើងបានដឹងពីគាត់ គាត់ជាកីឡាករល្អម្នាក់ ទាំងបាល់លើ និងក្រោម”។
ក្រុមអាល្លឺម៉ង់ និងអង់គ្លេស ធ្លាប់ប៉ះគ្នាច្រើនដងមកហើយ ប៉ុន្តែអាល្លឺម៉ង់ហាក់ដូចជាមានភាគរយធ្វើបានល្អច្រើនជាងក្រុមអង់គ្លេស។ យ៉ាងណាមិញ នៅក្នុងពានរង្វាន់ Euro 2020 នេះ ក្រុមអង់គ្លេស ហាក់មានប្រៀបជាងវិញ បើមើលទៅលើទម្រង់លេងនាពេលកន្លងមកនេះ៕ប្រភព Dailymail
