Leroy Sane បានចាកចេញពីជំរុំហ្វឹកហាត់របស់អាល្លឺម៉ង់ហើយ ដោយសារតែមានធុរៈផ្ទាល់ខ្លួន សង្សារឆ្លងទន្លេកូនដំបូង។
Sane មិនបានជាប់ជម្រើសជាតិអាល្លឺម៉ង់ឡើយកាល World Cup 2018 កន្លងទៅ ប៉ុន្តែប្រមូលផ្ដុំលេងពានរង្វាន់ UEFA Nation League នេះ រូបគេបានជាប់វិញហើយ។ យ៉ាងណាមិញ ការជាប់លើកនេះដែរ ខ្សែបម្រើប្រយុទ្ធរូបនេះមិនបាននៅយូរឡើយ ដោយរូបគេត្រូវមានភារកិច្ចផ្ទាល់ខ្លួន ត្រូវនៅក្បែរសង្សារដែលឆ្លងទន្លេកូនដំបូង។ ហេតុដូច្នេះហើយ ទើបសម្រេចសុំលោក Low គ្រូបង្វឹកអាល្លឺម៉ង់ចាកចេញពីជម្រើសជាតិតែម្ដង។
Sane ជាកីឡាករល្អរបស់ក្រុម Manchester City ហើយរូបគេបានជាប់ជម្រើសជាតិអាល្លឺម៉ង់១៣ប្រកួត ប៉ុន្តែមិនទាន់រកគ្រាប់បាល់បាននៅឡើយ។ កាលគ្រានៅក្រុមយុវជនវិញ ត្រឹមកម្រិតអាយុ១៩ឆ្នាំ រូបគេបង្ហាញខ្លួន១១ប្រកួត រកបាន៨គ្រាប់ និងត្រឹមកម្រិតក្រោម ២១ឆ្នាំវិញ លេង១០ប្រកួត រកបាន៥គ្រាប់៕ប្រភព៖ DailyMail