តាមរបាយការណ៍ពី The Sun បានចុះផ្សាយ ក្លឹបបិសាចក្រហម Man Utd កំពុងគិតគូរដល់ការបន្តកុងត្រាថ្មីសម្រាប់ខ្សែការពារ Eric Bailly។ បច្ចុប្បន្នកីឡាករលេងតំណែងការពារស្លាប សេសសល់កុងត្រាជាមួយក្លឹបដល់ចុងខែមិថុនា ឆ្នាំ ២០២២។
ជាមួយការមើលឃើញនៅពេលវេលាខ្លីត្រឹមតែរយៈពេល ១៨ ខែ ហើយដោយសារឃើញថា Bailly គេសំខាន់អាចជួយក្រុមបាននោះ ក៏ក្លឹបម្ចាស់ដី Old Trafford ចង់ផ្តល់កុងត្រាឲ្យគេរយៈពេល ៣ ឆ្នាំទៅមុខទៀត ប៉ុន្តែសាមីខ្លួនសម្រេចបែបណា ពេលនេះមិនទាន់ដឹងច្បាស់នៅឡើយ។
ការចរចាទំនងជានឹងបន្ទាន់យកចម្លើយត្រឹមរដូវក្តៅ ឆ្នាំ ២០២១ ព្រោះប្រសិនណា Bailly គេមិនយល់ព្រម នោះ United ក៏នឹងលក់គេចេញត្រឹមឆ្នាំនេះ ដោយបញ្ចៀសមិនឲ្យគេចាកចេញក្នុងលក្ខខណ្ឌឥតតម្លៃខ្លួននាពេលខាងមុខបានឡើយ៕ ប្រភព៖ Goal