ក្រុម Everton បានយកឈ្នះលើក្រុម Liverpool បានហើយក្នុងរយៈពេល២២ឆ្នាំចុងក្រោយមកនេះនៅទឹកដី Anfield ក្នុងលទ្ធផល ២-០ នៅយប់មិញនេះ។
បើកការប្រកួតភ្លាមនៅនាទីទី ៣ Richarlison ក៏រកគ្រាប់បាល់នាំមុខលើក្រុម Liverpool បានបាត់ទៅហើយ ក្រោយពីទទួលបានការបញ្ជូនយ៉ាងស្អាតពី James Rodriguez ។ ខណៈដែលការប្រកួតបន្ដទៅមុខទៀតរហូតដល់នាទី៨៣ក៏ស្រាប់តែ Sigurosson ថែមបាន១គ្រាប់ទៀតដែលជាគ្រាប់បាល់ជ័យជម្នះតែម្ដងឱ្យក្រុម Everton ។ ចប់ការប្រកួត Liverpool ០-២ Everton ។
នេះជាលើកដំបូងតាំងពីឆ្នាំ២០០០មក ដែលក្រុម Everton អាចយកឈ្នះលើក្រុម Liverpool បាននៅទឹកដី Anfield ។ ខណៈដែលក្រុម Liverpool វិញ វាក៏ជាលើកដំបូងសម្រាប់ពួកគេដែរ ដែលចាញ់ការប្រកួតនៅលីគ៤ប្រកួតជាប់គ្នាក្នុងដីចាប់តាំងពីឆ្នាំ១៩២៣មក៕
ប្រភព៖ DailyMail