អតីតអ្នកចាត់ការដែលកំពុងទំនេរជើង លោក Thomas Tuchel មានភាគរយខ្ពស់បំផុតនឹងចូលមកដឹកនាំក្លឹបតោខៀវ Chelsea បន្ទាប់ពីការដកតំណែងអ្នកចាស់គឺលោក Frank Lampard។
ត្បិតបើការប្រកាសផ្លូវការនៅឈ្មោះគ្រូបង្វឹកថ្មីមិនទាន់សម្រេចចេញពីក្លឹប តែតាមសារព័ត៌មាន TheSun ក៏បានធ្វើការព្យាករណ៍ទុកជាមុនរួចស្រេចនៅឈុត ១១ រូបល្អបំផុត ក្រោមការដឹកនាំរបស់លោក Tuchel ដែលមានលាយឡំនៅការនាំយកកីឡាករថ្មី ៣ រូបចូលក្រុម។
ក្នុងនោះមាន ២ រូប ដែលស្ថិតក្រោមរ៉ាដាចង់បានរបស់ក្លឹប Chelsea នៅរយៈពេលចុងក្រោយ រួមមានខ្សែការពារ Dayot Upamecano របស់ក្លឹប RB Leipzig និងខ្សែប្រយុទ្ធវ័យក្មេង Erling Haaland របស់ក្លឹប Borussia Dortmund។
១ រូបផ្សេងទៀតជាអតីតកូនក្រុមនៅក្លឹបបារាំង PSG នោះគឺខ្សែបម្រើ Marco Verratti ដែលជាកីឡាករជំនិតរបស់លោក Tuchel កាលនៅដឹកនាំក្លឹបចាស់។ សម្រាប់កីឡាករអ៊ីតាលីរូបនេះ បើ Chelsea ព្រមដាក់ចិត្តទិញយក គឺត្រូវចំណាយខ្ទង់ ៦០ លានអឺរ៉ូ។
សរុបមកយើងធ្វើការបង្ហាញឈុត ១១ រូប ដែលអាចនឹងកើតឡើងក្រោមការដឹកនាំរបស់ Tuchel ដូចតទៅ៖
- អ្នកចាំទី: Edouard Mendy
- ខ្សែការពារ: Reece James, Dayot Upamecano, Thiago Silva, Ben Chilwell
- ខ្សែបម្រើ: N’Golo Kante, Marco Verratt, Kai Havertz
- ខ្សែប្រយុទ្ធ: Timo Werner, Erling Haaland និង Christian Pulisic