នៅការប្រកួតជុំទី ៦ វគ្គចែកពូល ត្បិតបើទោះបីវាហាក់មិនសូវជាសំខាន់សម្រាប់ក្លឹប Paris Saint-Germain ក៏ដោយ ប៉ុន្តែឆន្ទៈកីឡាករហាក់លេងពោរពេញដោយភាពស្រេកឃ្លាន មិនបន្ធូរបន្ថយឲ្យនោះទេ។
ទីបំផុតដូចតាមការរំពឹងទុក PSG បានយកឈ្នះទៅលើ Istanbul ក្នុងលទ្ធផល ៥-១ ហើយរុញឲ្យឈ្មោះរបស់ពួកគេឡើងឈរលេខ ១ ក្នុងពូល H។ គ្រាប់បាល់របស់ PSG កើតឡើងដោយកីឡាករ Neymar Jr បីគ្រាប់ម្នាក់ឯង និង Kylian Mbappe រកបានពីរគ្រាប់ ខណៈក្រុមភ្ញៀវធ្វើបានដោយកីឡាករ Mehmet Topal។
សាច់បាល់ក្រុមម្ចាស់ផ្ទះបារាំងលេងគ្របតាំងពីតង់ទីមួយដល់បញ្ចប់តង់ទីពីរ ដោយសរុបស៊ុតចេញបាន ២០ ជើង ចំគោលដៅ ៩ លើក និងគ្រប់គ្រងបាល់ ៦៩ ភាគរយ ហើយមានអត្រាបញ្ជូនបាល់ជោគជ័យដល់ ៩២ ភាគរយ នៅការប៉ះ ៧៦៦ លើកសរុប។
ទស្សនាវីដេអូខាងក្រោម៖
https://www.youtube.com/watch?v=fwkv4JuGFmE
បញ្ជាក់ដែរថានៅពូល G ក្រុម PSG និង RB Leipzig គឺបានឆក់យកឱកាសឡើងទៅកាន់វគ្គបន្ទាប់ ខណៈ Man Utd ឈរលេខ ៣ បានត្រឹមរក្សាកៅអីទៅលេងនៅ Europa League តែប៉ុណ្ណោះ៕