ក្រុម Everton របស់លោក Carlo Ancelotti នឹងត្រូវតតាំងជាមួយក្រុមបិសាចក្រហម Manchester United នៅម៉ោង៧:៣០នាទីល្ងាចនេះក្នុងពានរង្វាន់ English Premier League។
Ancelotti ប្រកួតកន្លងទៅ មិនមានវត្តមានរបស់ James Rodriguez នោះទេដោយរបួស ហើយលទ្ធផលវិញបរាជ័យក្រោមថ្វីជើងក្រុម Necastle United ក្នុងលទ្ធផល ២-១ បាត់បង់តំណែងកំពូលតារាងទៅហើយ។ ដោយឡែកសម្រាប់ការប្រកួតទល់បិសាចក្រហមនៅល្ងាចនេះវិញ គឺ James អាចចូលលេងបានវិញហើយ។
កីឡាករវ័យ២៩ឆ្នាំខាងលើនេះ បានក្លាយជាតួអង្គសំខាន់មែនទែនសម្រាប់ក្រុម Everton ។ ៦ប្រកួតកន្លងមកនេះ រូបគេរកបាន៣គ្រាប់ និងបញ្ជូនបាល់ឱ្យមិត្តរួមក្រុមបាន៣ដងផងដែរ។ មិនត្រឹមតែ James ម្នាក់ទេដែលអាចលេងវិញ អ្នកចាំទី Pickford ក៏នឹងមានវត្ដមានលេងនៅប្រកួតនេះដែរ៕
ប្រភព៖ Metro